Bakıda qəzaya düşən avtomobil yandı

4 Sentyabr 2014 08:56

Bakıda yol-nəqliyyat hadisəsi qeydə alınıb.

APA-nın Fövqəladə Hallar Nazirliyinin (FHN) saytına istinadən verdiyi xəbərə görə, Bakı şəhəri, Nizami rayonunda "Peugeot" markalı minik avtomobili ilə "Opel Astra" markalı minik avtomobilinin toqquşması nəticəsində yol qəza hadisəsi baş verib.

Nəticədə "Peugeot" markalı minik avtomobilin mühərrik hissəsi yanıb. Avtomobilin qalan hissəsi yanğından mühafizə olunub. Yanğın saat 01:30-də yanğınsöndürənlər tərəfindən söndürülüb.

Milli.Az