Sura Əsgərlinin həyat eşqi dolu şeiri

26 Avqust 2014 12:17

Əməkdar artist Tünzalə Ağayeva avqustun 23-də intihar etmiş duet ortağı, bəstəkar-müğənni Sura Əsgərlinin şeirini sevənləri ilə bölüşüb

Milli.Az lent.az-a istinadən xəbər verir ki, əməkdar artist mərhum ifaçının ona hədiyyə etdiyi şeirini "facebook" səhifəsində paylaşaraq, bu şərhi yazıb:

"Suranın mənə hədiyyə etdiyi şeir dəftərindən bir parça. Rəbbim məkanını cənnətlik etsin".

Heç nə gözləmədən yaşayacaqsan!

Bir tikə çörək, bir bardaq çay

Bəs edəcək sənə bir günlük yaşamaq üçün.

Həç nə gözləmədən yaşayacaqsan

Tanrıdan bir parça sənsənmiş kimi

Üsyan etmədən bir özgəsinə.

Özünü mükəmməl və sonsuz hiss edərək.

Bağışlayaraq içindəki gücü özünə

Əfv edərək bütün səhvləri və hüznləri

Səmimi bir təşəkkür edərək öz əksinə güzgüdə,

Gözlərinin dərininə sevgiylə baxacaqsan!

Yaşayacaqsan!

Heç nə gözləmədən yaşayacaqsan!

Ən yaxın dostları belə!

Öncə sən sevgini verəcəksən ona

Sonra alacaqsan.

Bir sevgilinmi olacaq

Yenə gözləməyəcəksən heç nə.

Sən öncə özünlə xoşbəxt olacaqsan.

Özünə yetməyi bacaracaqsan,

Onun varlığına bağlansan əgər

Yarımçıq qalacaqsan.

Sən yalnız sən olduqca

O da yanında var olacaq.

Heç nə gözləmədən yaşayacaqsan!..

Onu da əlavə edək ki, bu gün mərhumun üç mərasimidir. Bu barədə T.Ağayeva məlumat verib.

Milli.Az