"Qarabağ" Avropa Liqasının pley-off mərhələsinin "Tvente" ilə cavab oyununu keçirmək üçün Hollandiyaya yollanır.
Milli.Az apasport.az-a istinadən xəbər verir ki, Enshede səfərinə bu gün başlayır.
Ağdam təmsilçisi saat 15:00-da birbaşa reyslə hərəkət edəcək. Oyunun keçiriləcəyi Enshededə hava limanı olmadığından "Qarabağ" Almaniyaya gedəcək. Çünki şəhərə ən yaxın hava limanı Almaniyanın Münsterindədir. Təmsilçimiz buradan 1 saatlıq məsafədə olan Enshede şəhərinə yollanacaq. Komanda sabah oyunun keçiriləcəyi stadionda və vaxtda sonuncu məşqinə çıxacaq.
Qeyd edək ki, "Tvente" - "Qarabağ" oyunu avqustun 28-də Bakı vaxtı ilə saat 22:30-da başlayacaq.
Milli.Az