Kastro hər zaman ABŞ-a meydan oxuması ilə məşhur olub
Kubanın əfsanəvi lideri, bu ölkədə inqilabın rəmzi olan Fidel Kastronun sosial şəbəkədə qeyri-adi fotosu yayılıb.
Anspress-in xəbərinə görə, inqilabçı lider bu fotoda minlərlə tamaşaçının olduğu stadionda beysbol oynayır.
Əlində tutduğu beysbol dəyənəyi ilə vuruş edən Kastronun əynində ənənəvi olaraq hərbi geyim var.
Məlumata görə, şəkil 1959-cu ildə, Kastro 33 yaşında ikən paytaxt Havana şəhərində çəkilib.
Fidel Kastro 1926-cı ilin 13 avqust günü Kubanın Mayari şəhərində anadan olub. 1959-cu ildə Kubanın baş naziri olan Fidel Kastro 1961-ci ildə bu ölkədə sosializmi elan edib. Keçmiş SSRİ-nin ən böyük müttəfiqlərindən olan Kastro hər zaman ABŞ-a meydan oxuması ilə məşhur olub.
