Məşhur aktyora "əbədi cəhənnəm" arzuladılar - FOTO

12 Avqust 2014 20:10

Uestborn baptist kilsəsinin nümayəndələri təşkilatlarının Twitter-dəki səhifəsinə ötən gecə vəfat etmiş Hollivud aktyoru Robin Uilyamsı təhqir edən tvitlər yerləşdirərək şəbəkə istifadəçilərini özlərindən çıxarıblar.

Milli.Az Rusiya mətbuatına istinadən bildirir ki, bu barədə The Huffington Post məlumat yayıb.

Təşkilatın yerləşdirdiyi şəkillərdə Robin "cəhənnəm"də təsvir edilib. Hollivud ulduzunun ölüm tarixinin yerinə baptistlər "2014 - əbədi cəhənnəm əzabları" sözünü əlavə ediblər. Baptistlərin fikrincə, aktyor intihar etdiyi və sağ vaxtı seksual azlıqları müdafiə etdiyi üçün belə cəzaya layiqdir.

Kollajlardan birində fanatiklər İncildən İsa peyğəmbərin sitatını yerləşdiriblər: "Heç vaxt sizi tanımamışam, qanunsuzluq edənlər, Məndən kənar durun".

İnternet istifadəçiləri baptistlərin bu tvitlərindən qəzəbləniblər. Öz ittiham tvitlərini isə #GodHatesHaters heşteqi ilə paylaşıblar. Bu, baptistlərin #GodHatesFags heşteqinə etiraz olub.

Milli.Az

Böyütmək üçün şəklə klikləyin.