Kia yenilənmiş Sorento təqdim edib - FOTO

13 Avqust 2014 20:57

Milli.Az 4charx.com-a istinadən bildirir ki, internetdə 2015-ci model ilinin yenilənmiş Kia Sorento krossoverinin onlayn-premyerası keçirilib. Populyar qlobal krossover həm xaricdən, həm də daxildən bir sıra yaraşıqlı stilistik yeniliklər əldə edib. Avtomobil texniki cəhətdən də yenilənib, lakin bu məlumatı bir qədər gözləmək lazım gələcək.

Beləliklə, bazarda 2012-ci ildə peyda olmuş üçüncü nəsil Sorento dizaynı əvvəlki dizaynın davamı olsa da, təkamül nəticəsində tamamilə yenilənib. Ön hissədə "pələngin burnu" firma dizaynı daha incə və zərif olub. Onun çevrəsini xrom haşiyə və xırda şəbəkəli incə barmaqlıq xüsusi nəzərə çarpdırır. On faralar yenilənib. Avtomobil damda spoyler və kuzovun qorunması üçün plastik elementlər əldə edib.

Yeni Sorento təkər bazası 20 mm uzadılıb. Kia interyerin şəkillərini dərc etməsə də onun da yeniləndiyini və çoxlu müasir funksiyalar əldə etdiyini bildirib. Mühərrik sırası haqqında da hələlik məlumat yoxdur.

2015 Kia Sorento Avropa premyerası payızda Parisdə keçiriləcək, lakin Koreya satışları artıq tezliklə başlanacaq. Çatışmayan məlumatları artıq o zaman əldə etmək mümkün olacaq.

Milli.Az

Böyütmək üçün şəkillərə klikləyin.