"Barselona"nın ulduzu gedir

29 İyul 2014 14:29
"Barselona" klubu müdafiəçi Daniel Alveşin komandadan ayrılmasına razılıq verib.

Qol.az-ın "Sport.es"ə istinadən verdiyi məlumata görə, rəhbərlik braziliyalı futbolçunun təzminat qiymətini də açıqlayıb.

31 yaşlı futbolçunu transfer etmək istəyən komanda 15 milyon avrosundan keçməli olacaq. Kataloniya təmsilçisinin baş məşqçisi Luis Enrike Alveşi "Fiorentina"dan Xuan Quadrado ilə əvəzləməyi düşünür.

Qeyd edək ki, Alveş 2008-ci ildə 29.5 milyon avro qarşılığında "Sevilya"dan "Barselona"ya transfer olunub. 

Milli.Az