Xanım Qafarova vəfat etdi - YENİLƏNİB - VİDEO

11 İyul 2014 17:01

15:49

Azərbaycanın əməkdar artisti, Dövlət Musiqili Teatrının aktrisası Xanım Qafarova dünyasını dəyişib.


APA-nın aktrisanın evində olan müxbirinin verdiyi məlumata görə, aktrisa bir neçə dəqiqə əvvəl vəfat edib.

Qeyd edək ki, 1967-ci il təvəllüdlü X.Qafarova süd vəzisi xərçəngindən əziyyət çəkirdi.


---------
15:45
 

Artıq hər saat öncəki ilə müqayisədə səhhəti ağırlaşan əməkdar artist Xanım Qafarovanın vəziyyəti bu gün günorta radələrində daha da pisləşib.

Əməkdar artistin bacısının gəlini Humay xanım Milli.Az-a bildirib ki, artıq molla çağrılıb, dualar oxunur.


-----------
13:12

Xanım Qafarova sağdır

Bu gün ölkə mediasında Musiqili Teatrın aktrisası, əməkdar artist Xanım Qafarovanın ölüm xəbəri yayılıb. Məlumatı dəqiqləşdirmək üçün Milli.Az-ın əməkdaşı aktrisanın gəlini Humayla əlaqə saxladı. O, yayılan məlumatların yalan olduğunu, aktrisanın vəziyyətinin isə get-gedə ağırlaşdığını söyləyib:

"Vəziyyəti çox ağırdır. Ümidimiz Allahadır".

Gəlini aktrisanın İsraildə müalicəsi ilə bağlı olaraq isə bunları söyləyib: "Artıq ümidimiz də kəsilib. Həkimlər də heç nə edə bilmirlər, məsuliyyəti üzərlərinə götürmürlər".

---------
12:24

Bu səhər ölüm xəbəri yayılan, sonradan isə ölüm ayağında olduğu bildirilən əməkdar artist Xanım Qafarovanın son görüntüləri yayılıb.

Milli.Az qafqazinfo-ya istinadən bildirir ki, bir neçə gün əvvəl "ATV"də efirə gedən "Öz aramızda" verilişinin aparıcısı Zaur Baxşəliyev aktrisanı evində lentə alıb.

Onun bir neçə gün əvvəl lentə alınan görüntülərini təqdim edirik. Əməkdar artistin son görüntülərini aşağıdakı videoda 2-ci dəqiqədən başlayaraq izləyə bilərsiniz.

---------
11:18

Musiqili Teatrın aktrisası, əməkdar artist Xanım Qafarovanın ölüm xəbəri yayılıb. Məlumatı dəqiqləşdirmək üçün lent.az-ın əməkdaşı aktrisa ilə əlaqə saxlayıb. Dəstəyi X.Qafarovanın bacısı oğlu götürərək xəbərə bu cür şərh verib: "Səhhəti çox ağırdır. Sabaha sağ çıxsa, böyük işdir. Biz Allaha dua edirik. Dua edirik ki, yaxşı olsun, İsrailə göndərək. Amma hələ ki, vəziyyəti ürək açan deyil".

Onu da əlavə edək ki, həkimlər aktrisanın vəziyyətinin yaxşılaşmasını gözləyir. Əgər yaxşılaşsa, İsrailə göndəriləcək. 

----------
11:10

Xanım Qafarovaya qan axtarılır. Bununla bağlı elanlar da verilib: "Diqqət! Dostlar, gözəl aktrisamız Xanım Qafarova üçün təcili -2 (mənfi 2) qan lazımdır. Sizin də qanınız -2 dirsə, kömək edin! Əgər qan qrupunuz başqadırsa, paylaşın, hamı görsün. Bir insanın həyatından söhbət gedir.

Qan vermək üçün: 050-327-08-58 (Xanım Qafarova) zəng vurun və ya Milli Onkologiya Mərkəzindəki qan bankına müraciət edin".

----------
11:03

Mətbuatda bir neçə saat əvvəl Dövlət Musiqili Teatrının aktrisası, əməkdar artist Xanım Qafarovanın ölüm xəbəri yayılıb.

AzNews.az yayılan xəbərlə bağlı aktrisanın ailəsi ilə əlaqə saxlayıb.

Əməkdar artistin anası Gövhər xanım əməkdaşımıza bildirib ki, qızıyla bağlı yayılan ölüm xəbəri yalandır: "Vəziyyəti çox ağırdır".

Nigar Məhərrəm
Milli.Az

----------
17:01

Videoları izləmək üçün şəkillərə klikləyin.



----------
12:24