Ehtiyatlı olun: güclü istilər olacaq

5 İyul 2014 12:58

Yaxın iki gün ərzində Azərbaycanın bəzi yerlərində temperatur 40 dərəcəyədək yüksələcək

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosundan Trend-ə bildirilib ki, iyulun 6-da Bakıda və Abşeron yarımadasında hava şəraiti dəyişkən buludlu olacaq, yağmursuz keçəcək. Mülayim cənub-şərq küləyi əsəcək.

İyulun 6-da Bakıda və Abşeron yarımadasında havanın temperaturu gecə 20-24, gündüz 33-38 dərəcə isti olacaq. İyulun 7-də gündüz havanın temperaturu 34-38, bəzi yerlərdə 39 dərəcə isti olacaq.

İyulun 6-da Azərbaycanın bölgələrində hava əsasən yağmursuz keçəcək. Lakin axşam və gecə saatlarında bəzi dağlıq rayonlarda şimşək çaxacağı, yağış yağacağı gözlənilir. Şərq küləyi əsəcək.

İyulun 6-da Aran rayonlarında havanın temperaturu gecə 19-24, gündüz 34-39, dağlarda gecə 11-16, gündüz 23-28 dərəcə isti olacaq. İyulun 7-də isə Aran rayonlarında bəzi yerlərdə temperaturun 40 dərəcəyə kimi yüksələcəyi gözlənilir.

Milli.Az