Pəhləvanlarımız İstanbuldan 15 medalla qayıdır

15 Fevral 2010 14:06

Milli.Az-ın Güləş Federasiyasına istinadən verdiyi xəbərə görə, 24 ölkədən 300-ə yaxın pəhləvanın qatıldığı turnirdə Azərbaycan güləşçiləri ümumilikdə 15 medal qazanıb. Bunlardan 8-i qızıl, 4-ü gümüş, 3-ü bürünc olub.

Həm sərbəst (4 qızıl, 2 gümüş və 1 bürünc), həm də qadın güləşi üzrə (4 qızıl, 2 gümüş, 2 bürünc) yığmalarımız komanda hesabında turnirin ən güclüsü olublar.

Qızıl medallardan dördünü, gümüş və bürünc medallardan ikisini qadınlar qazanıb.

Qızıl medal:

Mahmud Maqomedov (55 kq), Zəlimxan Hüseynov (60 kq), Şərif Şərifov (84 kq), Xetaq Qazyumov (96 kq); Sona Əhmədli (59 kq), Olesya Zamula (63 kq), Nadejda Sementsova (67 kq), Dina İvanova (72 kq);

Gümüş medal:

Emin Əzizov (66 kq), Toxtar Temrezov (120 kq); Katerina Dombrovskaya (63 kq), Zümrüd Qurbanhacıyeva (67 kq);

Bürünc medal:
Çamsulvara Çamsulvarayev (74 kq); Nadiya Qradyuk (55 kq), Gözəl Zutova (63 kq);

Yuliya Radkeviç (59 kq), Ağahüseyn Mustafayev (60 kq) və Aslan Dzebisov (120 kq) isə 5-ci yerlə kifayətləniblər.

Milli.Az