«Gmail»in «qatil»i gəlir: bu gün «Facebook»un poçtu açılacaq - FOTO - VİDEO
15 Noyabr 2010 00:22
Milli.Az xəbər portalı "TechCrunch"a istinadən bildirir ki, bu gün ABŞ-ın San-Fransisko şəhərində "Facebook"un banisi və sahibi Mark Sukerberqin mətbuat konfransı keçiriləcək. Konfransın əsas mövzusu rəsmən açıqlanmasa da, orada "Facebook Titan" kod adlı elektron poçt servisinin təqdim ediləcəyi təxminlənir. Dünyanın ən böyk sosial şəbəkəsinin istifadəçiləri bundan sonra "@facebook.com" ilə bitən elektron poçt ünvanı ala biləcəklər. "Facebook" elektron poçtun tam funksionallı veb-formatını hazırlayıb ki, bu da "Google Mail", "Microsoft Hotmail" və "Yahoo! Mail" kimi populyar elektron poçt servislərinə ciddi rəqib olacaq. "Facebook Titan" layihəsi ilə bağlı işlər haqqında ilk dəfə 2010-cu ilin fevralında informasiya yayılıb.
