Yanğın nəticəsində evin 80 kvadratmetrlik hissəsi içində olan əşyalarla birlikdə yanaraq kül olub
18:46
Bu gün günorta saatlarında Şabranda yaşayış evində yanğın baş verib. Milli.Az Regional TV-yə istinadən xəbər verir ki, rayonun Dəvəçi kəndində yaşayan 42 yaşlı Seyfəddin Məmmədova məxsus 2 mərtəbəli yaşayış evinin yuxarı mərtəbəsi alışaraq yanıb. Yanğın nəticəsində evin 80 kvadratmetrlik hissəsi içində olan əşyalarla birlikdə kül olub.
Hadisə yerinə FHN-nin Şabran Dövlət Yanğından Mühafizə Hissəsinin 2 yanğın söndürən maşını cəlb olunub. Yanğının qaz peçindən divardakı lambirə keçdiyi bildirilir. Hadisə nəticəsində heç kim xəsarət almayıb.