Gəncədə avtobuslar toqquşdu, yaralı var

8 Aprel 2014 09:26

Gəncədə iki avtobus toqquşub.

Milli.Az Kəpəz TV-yə istinadən bildirir ki, hadisə şəhərin Poçt qəsəbəsində baş verib. 6 saylı marşrut xətti ilə işləyən iki avtobusun toqquşması nəticəsində sərnişin, 25 yaşlı şəhər sakini Firuzə Bayramova yaralanıb. O, dərhal Gəncə Şəhər Təcili Tibbi Yardım Xəstəxanasının travmatologiya şöbəsinə yerləşdirilib.

Yaralıya ilkin tibbi yardım göstərilib. Həkimlər onun vəziyyətini kafi qiymətləndirirlər.

Hadisənin hansı səbəblərdən baş verdiyi araşdırmalardan sonra bəlli olacaq.

Milli.Az