Dərya: "Pis vərdişlərdən azad oldum , özüm özümlə mübarizə apardım"
7 Aprel 2014 19:07
Mərhum reper Hüseyn Dəryanın növbəti videosu yayıldı
Milli.Az gecce.az-a istinadən xəbər verir ki, reper ölməmişdən iki ay öncə ATV telekanalında yayımlanan "Nə varsa" verilişinin qonağı olub.
Verilişdə Əli Mirəliyevin "Elə cavanlar var ki, onların heç yaşamaq şansı yoxdur, istəyirəm ki, sən onlara nümunə olasan. Çünki insan dünyaya bir dəfə gəlir" sözünü Hüseyn cavabsız qoymayıb.
"Pis vərdişlərdən azad oldum, özüm özümlə mübarizə apardım. Əziz Azərbaycan xalqı və xüsusilə də əziz gənclər, sağlamlıq yoxdursa, heç bir gələcək yoxdur. Xoşbəxt gələcəyimizi qurmaq üçün bu gün sağlamlığımızı bərpa etməliyik. Odur ki, bütün Azərbaycan xalqına sağlamlıq, xoşbəxtlik və firəvanlıq arzulayıram". Milli.Az