Kroyf: "Mourinyo yalnız futbolçularını günahlandırır"
Hollandiya futbolunun canlı əfsanəsi Yohan Kroyf "Çelsi"nin baş məşqçisi haqda maraqlı fikirlər səsləndirib.
Milli.Az-ın qol.az-a istinadən məlumatına görə, "De Telegraaf"a danışan Kroyf Mourinyonun məğlubiyyətdə yalnız futbolçuları günahlandırdığını bildirib:
"PSJ səviyyəli futbolçulara malik çox güclü komandadır. "Çelsi"nin də yaxşı oyunçuları var, ancaq Mourinyo narazı görünür. O, hər zaman eynidir.
Komandada işlər yaxşı getdiyində bunu öz işinin bəhrəsi kimi qələmə verir. Lakin işlər yolunda getmədikdə futbolçuları günahlandırır. O, "Real"da da belə idi. İndi isə həmin ssenarini "Çelsi"də görürəm. Mourinyonun əsas problemi onun yalnız nəticəyə oynamasıdır".