Avrokuboklarda mövsümün son püşkü nə vaxt atılacaq?
7 Aprel 2014 18:19
Avrokuboklarda mövsümün son püşkünün vaxtı məlum oldu
UEFA Çempionlar Liqası və Avropa Liqasının yarımfinal mərhələlərinin püşkünün vaxtını açıqlayıb.
Milli.Az-ın qol.az-a istinadən məlumatına görə, İsveçrənin Nyon şəhərində keçiriləcək püşkatma mərasimi aprelin 11-də Bakı vaxtı ilə saat 15:00-da başlayacaq.
Bu dəfə hər iki turnirin püşkü eyni vaxtda atılacaq. Belə ki, ilk öncə Çempionlar Liqasının, ardından Avroliqanın yarımfinal cütlükləri bəlli olacaq.
Qeyd edək ki, Çempionlar Liqasında bütün yarımfinalçılar aprelin 9-da, Avroliqada isə aprelin 10-da müəyyənləşəcək.