Nizami Kino Mərkəzi milli filmlərin pulsuz nümayişinə başlayır
31 Mart 2014 13:30
Nizami Kino Mərkəzində martın 31-dən etibarən hər bazar ertəsi, çərşənbə və cümə günləri milli filmlərin pulsuz nümayişinə başlanılacaq. Məqsəd tələbə və gənclərin yerli filmlərə marağının artırılması, ekran əsərlərində əks etdirilən millətimizə xas adət-ənənələrlə yaxından tanış olması, onların vətənpərvərlik ruhunda yetişməsinə dəstək verilməsidir.
Bundan başqa, Azərbaycanın tarixi və tanınmış simaları haqqında çəkilmiş filmlərin də nümayişi Kino Mərkəzinin layihəsində nəzərdə tutulub.
Filmlərin seansları haqqında informasiyanı Nizami Kino Mərkəzinin Facebook səhifəsindən öyrənmək mümkündür. (https://www.facebook.com/NizamiCinema?rf=hl)