Türkiyədə bələdiyyə seçkilərində səslərin böyük əksəriyyəti hesablanıb - YENİLƏNİB
31 Mart 2014 13:31
13:31
Türkiyədə keçirilən bələdiyyə seçkilərində 80-ə yaxın vilayətdə bələdiyyə sədrləri müəyyənləşib.
Trend Türkiyənin Anadolu agentliyinə istinadən xəbər verir ki, qeyri-rəsmi nəticələrə görə, 78 vilayətdə bələdiyyə sədrləri müəyyən olunub.
49 vilayətdə hakim Ədalət və İnkişaf partiyasının (AKP), 12 vilayətdə Cümhuriyyət Xalq Partiyasının (CHP), 9 vilayətdə Sülh və Demokratiya Partiyasının (BDP), 7 vilayətdə isə Milliyyətçi Hərəkat Partiyasının (MHP) namzidələri qalib gəlib.
Müstəqil namizədin qələbə qazandığı yeganə vilayət Mardin olub.
Antalya, Adana, Ağrı, Hatay və Eskişehirdə səslərin sayılmasının davam etdirildiyi bildirilir.
---------
10:26
Türkiyədə keçirilən bələdiyyə seçkilərində 70-dən çox vilayətdə bələdiyyə sədrləri müəyyənləşib.
Trend Türkiyənin Anadolu agentliyinə istinadən xəbər verir ki, qeyri-rəsmi nəticələrə görə, 76 vilayətdə bələdiyyə sədrləri müəyyən olunub.
48 vilayətdə hakim Ədalət və İnkişaf partiyasının (AKP), 11 vilayətdə Cümhuriyyət Xalq Partiyasının (CHP), 9 vilayətdə Sülh və Demokratiya Partiyasının (BDP), 7 vilayətdə isə Milliyyətçi Hərəkat Partiyasının (MHP) namizədləri qalib gəliblər.
Müstəqil namizədin qələbə qazandığı yeganə vilayət Mardin olub.
----------
09:05
Türkiyədə bələdiyyə seçkilərində səslər hesablanır.
Trend-in Anadolu agentliyinə istinadən verdiyi məlumatına görə, səslərin artıq 80,22 faizi hesablanıb. 46,24 faiz səslə Ədalət və İnkişaf Partiyası qalib gəlir, onun ardınca 27,34 faiz səslə Cümhuriyyət Xalq Partiyası qərarlaşıb. MHP 14,94 faiz səslə üçüncüdür.
Qeyd edək ki, dünən Türkiyədə bələdiyyə seçkilərinə start verilib. Türkiyədə qeydiyyatdan keçmiş seçicilərin sayı 52 695 831 nəfərdir. Onlardan 26 704 757 nəfəri qadın, 25 991 75 nəfəri isə kişidir. Ölkə üzrə 194 310 seçki qutusu quraşdırılıb. Yerli bələdiyyə orqanları seçkilərində 26 siyasi partiya iştirak edib.
Səsvermənin nəticələri üzrə bələdiyyə başçıları, bələdiyyə şuralarının üzvləri, həmçinin kənd, şəhər rayonları və məhəllələrin muxtarları müəyyən olunacaq.
Bələdiyyə seçkilərində 26 siyasi partiyanın iştirak etməsinə baxmayaraq, əsas mübarizənin hakim Ədalət və İnkişaf Partiyası (AKP) və Cümhuriyyət Xalq Partiyasının (CHP) nümayəndələri arasında gedəcəyi gözlənilir.
Milli.Az