İspaniya millisinin yarımmüdafiəçisi Xavi Hernandez gələcək karyerası haqda danışıb.
Qol.az-ın məlumatına görə, İspaniya mətbuatına danışan Xavi 2018-ci ildə Rusiyada keçiriləcək dünya çempionatında iştirak etməyəcəyini bildirib:
""Avro-2016"da iştirak edib-etməyəcəyimi hələlik dəqiq bilmirəm. Baxaq, görək necə alınacaq. Ancaq 2018-ci ildə Rusiyada keçiriləcək dünya çempionatında dəqiq iştirak etməyəcəm. Bu yay Braziliyada baş tutacaq mundiala gəlincə hər kəs turnirdə əlindən gələni edəcək. Orada yaxşı çıxış etməklə azarkeşlərimizi sevindirmək istəyirik".