Sevgililər Günündə gül satan azərbaycanlılar saxlanıldı - VİDEO

15 Fevral 2014 10:34

Ruslar üçün Sevgililər Günü Avropadan idxal edilmiş bir bayram olsa da, xalq arasında bu günü qeyd edənlərin sayı ildən-ilə çoxalır

Sevgililər Günündə "Sevgi mələyi" roluna girən 25 yaşlı Aleksandr Moskvanın məhşur Arbat küçəsində dolaşan cütlükləri qucağlaşmağa çağırır.

Milli.Az-ın anspress-ə istinadən məlumatına görə, ruslar üçün Sevgililər Günü Avropadan idxal edilmiş bir bayram olsa da, xalq arasında bu günü qeyd edənlərin sayı ildən-ilə çoxalır.

Yuriy Levada mərkəzinin direktor müavini Aleksey Levinson: "Apardığımız araşdırmalar nəticəsində 18 yaşdan yuxarı vətəndaşların 48 %-nin aşiq olduğunu müəyyən etmişik. Onların 70 %-i isə gənclərdir. İlk məhəbbətlərin isə sadəcə beşdə biri evliliklə nəticələnir".

Sevgililər Günündə hədiyyəyə ortalama 198 dollar pul xərcləyərək liderlik edən fransızlardan fərqli olaraq ruslar hədiyyə üçün daha az, orta hesabla 73 dollar pul xərcləyirlər. Bu günün başlıca atributu isə, əlbəttə, çiçəkdir.

Moskva sakini Olqa Buyanova: "Bu gün tanımadığım bir adam mənə gül hədiyyə etdi. Çox sevindim. Sevgililər Gününün bayram olduğunu ilk dəfə bu gün hiss etdim".

Rusiyada Sevgililər Gününün milli bayram olub-olmadığı kimi mübahisələrə də yol açan 14 fevraldan ən çox faydalanan isə, əlbəttə ki, çiçək ticarəti ilə məşğul olanlarlardır. Aralarında həmyerlilərimizin çoxluq təşkil etdiyi çiçək satıcıları bugünkü alverdən razıdırlar.

Satıcı Pərviz Behbudov: "Bu gün işlərimiz çox yaxşı gedir. İl boyu qazana bilmədiyimizi belə günlərdə qazanırıq. Necə deyərlər, bizim əsas ticarətimiz bayramdan bayramadır".

Həmyerlilərimizin çiçək satışı kefini pozan isə yenə Moskva polisi oldu. Qanunsuz miqrant reydi nəticəsində çox sayda çiçək satıcısı saxlanıldı.

Milli.Az