Namiq Qaraçuxurlu: "Bu layihənin ayağından daş asılıb"

6 Fevral 2014 17:55

Meyxanaçı Namiq Qaraçuxurlu "Natiq" ritm qrupu ilə işbirliyinin aqibətindən bəhs edib

Milli.Az axşam.az-a istinadən məlumatına görə, sənətçi "Şoubiz" verilişinə açıqlamasında bir ildən çoxdur üzərində çalışdığı bu layihənin hələ də təqdim edilməməsinin səbəbini deyib:

"Bu layihənin ayağından daş asılıb, heç cür təhvil ala bilmirik. Mahnını yazdırdığımız studiya bağlandı. İndi oradan götürə bilmirik. Amma bu sahədə çalışıram, hazır olub əlimizə gələn kimi həmin mahnıya klip də çəkdirəcəyəm. Bu yaxınlarda isə "Mənim nəfəsim" adlı mahnımı ekranlaşdıracağam. Çəkilişlərin əksər hissəsi açıq havada aparılmalıdır. Buna görə də havaların isinməsini gözləməliyik".

Milli.Az