Bakıya turist axınının səbəbi nədir? - REYTİNQ

4 Fevral 2014 12:48

Bakı dünyanın ən çox ziyarət olunan şəhərləri sırasında 96-cı yerdə qərarlaşıb. Milli.Az Rusiya mətbuatına istinadən bildirir ki, siyahıda Vaşinqton, Melburn, Rio-de-Janeyro kimi şəhərlər paytaxtımızla qonşuluq edir.

Britaniyanın "Euromonitor International" strateji bazar araşdırmaları şirkətinin analitikləri belə bir nəticəyə gəliblər.

2012-ci ildə Bakını 1 milyon 709 min nəfər xarici turist ziyarət edib. Paytaxta gələn turistlərin sayı 2011-ci illə müqayisədə 7,5% artıb.

Ən çox ziyarət olunan şəhərlər sırasında liderlik isə Honqkonq şəhərinə məxsusdur. Təkcə 2012-ci ildə bu şəhəri 23 milyon 770 min xarici turist ziyarət edib.

İlk onluqda Bankok, London, Makao, Kuala-Lumpur, Şençjen, Nyu-York, Antalya və Paris kimi şəhərlər qərarlaşıb.

Milli.Az