Rəşad Sadıqov Türkiyədə "fərqləndi" - FOTO

23 Oktyabr 2010 10:44

Fanat.az xəbər verir ki, ötən həftə "İstanbul BB"yə qarşı 90 dəqiqə oynayan və qələbə qazanan Rəşadın forma geyindiyi "Eskişəhərspor" bu dəfə səfərdə "Karabükspor"la qarşılaşıb.

Sadıqovun komandası "Qalatasaray"a qalib gələn, çempion "Bursaspor"dan səfərdə xal alan Super Liqanın sürpriz komandasını səfərdə yenib - 2:1. Hesabı 11-ci dəqiqədə Sezgin açıb. 38-ci dəqidədə Batuhan fərqi iki topa çatdırıb. 52-ci dəqiqədə Emenike fərqi azaltsa da, "Karabükspor"un bundan artığına gücü çatmayıb.

Millimizin kapitanı ardıcıl ikinci turda meydana start heyətində çıxıb. Rəşad 90 dəqiqə mübarizə aparıb. O, matçın ikinci dəqiqəsində Türkiyədəki ilk sarı vərəqəsini alıb. Məşhur ajansspor.com saytı millimizin Sadıqovun oyununu 3 ulduzla dəyərləndirib. O, komandasının heyətində ən yüksək balı alan 4 futbolçudan biri olub.

Milli.Az