Məşhur müğənninin qırxı çıxmamış, miras davası çıxdı
14 Yanvar 2014 09:50
Varislər Zeytinburnundakı yanacaqdoldurma məntəqəsini 10 milyon dollara satışa çıxarıblar
20 gün əvvəl həyata vida edən türkiyəli məşhur sənətçi Adnan Şensesin mirası qırxı çıxmadan bölüşdürülməyə başlanıb.
Anspress-in Türkiyə mediasına istinadən məlumatına görə, türk sənət musiqisinin ulduzu Adnan Şensesin həyat yoldaşı Lalə xanım ilə ilk həyat yoldaşı Meral Tunalıdan olan qızı Arzum arasında miras davası düşüb.
Lalə xanım ilə Arzum sənətçinin illər əvvəl aldığı Zeytinburnundakı yanacaqdoldurma məntəqəsini 10 milyon dollara satışa çıxarıblar.
Qeyd edək ki, Şensesin mülkiyyətinə Zeytinburnundakı yanacaqdoldurma məntəqəsindən başqa, İstanbulun Ortaköy, Akatlar və Arnavutköy rayonlarında bir lüks ev, İngiltərədə bir lüks ev, Levent məhəlləsində bir villa, Bodrum Gümüşlükdə bir ferma, iki "Volkswagen" avtomobili və iki tanker daxildir.