Bakıda yanacaqdoldurma məntəqəsinin tavanı uçdu - VİDEO

14 Yanvar 2014 11:51

Paytaxtın Tbilisi prospektində yerləşən yanacaqdoldurma məntəqəsinin tavanı güclü küləyin əsməsi nəticəsində uçub

Paytaxtın Tbilisi prospektində yerləşən yanacaqdoldurma məntəqəsinin tavanı güclü küləyin əsməsi nəticəsində uçub. Hadisə dünən axşam saatlarında baş verib. Alüminium və taxta konstruksiyadan ibarət olan tavan əsən küləyin gücünə tab gətirməyərək yanacaqdoldurma sahəsinə düşüb.

Anspress yazır ki, xoşbəxtlikdən, hadisə yerində insan yox idi. Amma hadisə nəticəsində 2 avtomobilə ziyan dəyib. Avtomobillərdən birinin qabaq şüşəsi zədələnib. O biri avtomobilin isə yan hissəsi əzilib. Hadisədən dərhal sonra aşmış tavanın qalıqları işçilər tərəfindən yığışdırılıb.

Milli.Az

Videonu izləmək üçün şəklə klikləyin.