Türk müğənni söz-söhbətdən video ilə qurtuldu - VİDEO

14 Yanvar 2014 14:49

Nihat Hatipoğlu döyməsi olan insanların dəstəmazının da, qüslünün də məqbul olduğunu bildirir

Sosial şəbəkədə dəstəmaz alarkən çəkilmiş foto şəkli yayılan Türkiyənin tanınmış müğənnisi Gökhan Özoğuz döyməsinə (tatu) görə istiqamətlənmiş tənqidlərə video ilə cavab verib.

Anspress yazır ki, müğənninin bu şəklinin yayılmasından sonra sosial şəbəkələrdə döyməsi səbəbindən onun dəstəmazının məqbul-batil olması barədə mübahisə başlamışdı.

Gökhan isə ölkənin tanınmış ilahiyyatçısı Nihat Hatipoğlunun bu məsələ barədə çıxışını əks etdirən video paylaşıb. Müğəni həmin videonun altında, "NÖQTƏ!" yazıb.

Nihat Hatipoğlu döyməsi olan insanların dəstəmazının da, qüslünün də məqbul olduğunu bildirir.

Bundan başqa Gökhan Özoğuz daha bir yeni şəklini paylaşıb. Daha əvvəl dəstəmaz alarkən və dua edərkən şəkli yayılan Gökhan başında namaz papağı olan fotosunu instaqram səhifəsində yayıb. Bildirilir ki, bu papaq onun "Cərrahi" təriqətinin üzvü olduğunu göstərir.

Qeyd edək ki, Türkiyənin tanınmış bir çox siması bu təriqətin üzvüdür ki, Əhməd Özhan, Mazhar Alanson, Cem Yılmaz, Əli Taran onlardan bəzisidir.

Milli.Az

Videonu izləmək üçün şəklə klikləyin.