Əsəd ordusu 40 döyüşçünü məhv etdi

12 Yanvar 2014 10:53

Ölənlərin əksəriyyətinin əcnəbi olduğu bildirilir

Suriya Ordusu Alepo şəhərinin şimalında xüsusi əməliyyat keçirib. "SANA" agentliyinin məlumatına görə, əməliyyat zamanı 40 döyüşçünün öldürüldüyü bildirilir. Milli.Az xəbər verir ki, anspress-in "RİA Novosti"yə istinadla verdiyi məlumata görə, zərərsizləşdiriləndən çoxu əcnəbilər olub. Müdafiə Nazirliyinin məlumatına görə, onlar Retyan yaşayış məntəqəsində məhv ediliblər.

Mərkəzi Londonda yerləşən İnsan hüquqlarına riayət edilməsinə nəzarət üzrə Suriya monitorinq mərkəzinin məlumatına görə, son həftə ərzində toqquşmalar nəticəsində 500-ə yaxın insan ölüb.

Suriyada ölkədaxili toqquşmalar 2011-ci ilin mart ayından başlayıb. BMT-nin məlumatına görə, bu illər ərzində 100 mindən çox insan toqquşmaların qurbanı olub.

Milli.Az