Görünür, "Nissan" bu yaxınlarda təqdim olunan "Qashqai"-nin üslubunda düzəldiləcək. Hetçbekin güc aqreqatları da bu krossoverdən götürüləcək. O 115 a.g. verən 1,2 litrlik mühərrik və 1,6 litrlik aqreqat (150 a.g.) əldə edəcək. Bundan əlavə, 1,5 (110 a.g.) və 1,6 litrlik (130 a.g.) dizel mühərrikləri də olacaq. 250 a.g. verən mühərriki olan "Nismo" versiyası da meydana gələcək - belə avtomobillər yaponlara "gənclik" imiclərini möhkəmləndirmək üçün lazımdır.
Lakin yeni "Nissan"-ın əlverişli avtomobil olacağına ümid etmək lazım deyil. Yəqin ki, bu modelin qiyməti ucuz olmayacaq. Çünki o bütün müasir yenilikləri əldə edəcək. Bura hər cür kamera və radarlar, avtomatik əyləc və piyadalara nəzarət sistemləri daxildir. Avtomobilin sürücünün kompyuteri və ya smartfonu ilə əlaqə saxlamaq imkanı olacaq. Məsələn, hərəkət marşrutunu evdə müəyyən etmək mümkün olacaq ki, bu da avtomatik olaraq avtomobilin naviqasiya sistemində peyda olacaq.
Milli.Az