Milli.Az auto.az-a istinadən bildirir ki, istehsalçının yaydığı rəsmi məlumatda deyilir ki, konseptin adı latın dilində "novatus" (yəni, yenilənmiş) və ingilis dilində "innovation" (yəni, innovasiya) mənasını verir. İstehsalçıların fikrincə, avtomobil müasir texnologiya ilə klassik formanın interpretasiyasını nümayiş etdirir.
"Kia Nova"-nın xarici görünüşü üzərində Koreyanın dizayn mərkəzinin mütəxəssisləri çalışıblar. Eksteryerdə aşağı salınmış dam xəttini, qısa qabaq və uzun arxa çıxıntıları, o cümlədən böyük şüşəni görmək olar. Aqressiv bamperlər və "pələng gülüşü" adlanan radiator barmaqlığı da özlərinə diqqət cəlb edirlər.
"Kia Nova"-nın salonu minimalist üslubda hazırlanıb: müxtəlif sistemlərin idarəetməsinə cavabdeh olan düymələrin çoxu sensor düymələrlə əvəz edilib. Sürücüyə tərəf əyilmiş qabaq konsol da diqqətə layiqdir.
Bundan əlavə, istehsalçıların sözlərinə görə, mərkəzi tonneldəki sensorlu xalı sürücünün əl izlərini tanıya bilir və bəzi sistemləri avtomatik olaraq sürücünün istəyinə uyğun tənzimləyir. Lap fantastik filmlərdəki kimi.
Milli.Az
