Noyabr ayı üçün ulduz falı

3 Noyabr 2013 10:12

Ailəli QOÇLARI yeni üfüqlər cəlb edir. Təhlükəli heç nə yoxdur: Siz birlikdə macəra, bəlkə də qeyri-adi hisslər axtarışındasınız. Nə üçün də olmasın. Bu bürcün ailə buxovlarından yorulmuş nümayəndələri kənarda macəra axtarırlar. Təhlükə hissi risk həvəskarlarını daha da coşdurur. Subayların həyatında heyrətamiz bir dövr başlayır. Lakin arzunuz gerçəkləşmir ki gerçəkləşmir. Səbirli olmalısınız. İşdə dəyişikliklərə müvəffəq olursunuz. Bütün vasitələr yaxşıdır. Amma ən başlıca vasitəniz maqnit kimi çəkici olan cazibədarlığınızdır. Maliyyə cəbhəsində qələbəni qələbəyə calasanız da, bədxərcliyiniz bütün səylərinizi heçə endirə bilər.

BUĞALARIN ailəsində kiçik böhran davam etməkdədir. Hələ də xoşbəxt ola bilərsiniz. Bunun üçün bir-birinizi başa düşməyə, bir-birinizin fikirlərinə hörmətlə yanaşmağa çalışmalısınız. Ömür-gün yoldaşı tapa bilməyənlər göylərdən ümidi üzüb İnternet səhifələrində axtarışa çıxıblar. Sizə şad bir xəbər. Səyləriniz uğurla nəticələnəcəkdir və ürəyinizə yatan adama rast gələcəksiniz. Amma unutmayın ki, taleyüklü görüş internetin deyil, Ulu Yaradanın sizə ərməğanıdır. İşdə sizə elə gələcək ki, sanki uzun və qaranlıq tunelin içindəsiniz. Rəhbərlik ağıllı məsləhətlərinizi qulaqardına vurur, müştəriləriniz isə bir-bir qaçıb aradan çıxırlar. Ümidsizliyə qapılıb işinizi dəyişdirmək barədə düşünürsünüz. Amma maliyyə sıxıntısı üzündən köhnə işinizdən əl çəkə bilmirsiniz. Haqlısınız: tələsən təndirə düşər. Vaxtı gələndə hər şey yerbəyer olacaq.

Ailəli ƏKİZLƏR birdən-birə qısqanclıq əzabına tuş gələcəklər. Tərəf-müqabilinizə olan məhəbbətiniz daha da alovlanacaq. Həyatınızda yeni bal ayı başlayacaq. Tənha dənizçilər həsəd aparmamaq üçün ailəli dostlarından uzaq qaçırlar. Yanlış yoldasınız. Tez-tez camaat içinə çıxıb tanışlarınızın çevrəsini genişləndirməlisiniz. İşdə bütün istiqamətlərdə "tıxaclar" yaranır. Xüsusən biznesmenlər üçün. Dövlət məmurları hadisələrin gedişatına uyğun hərəkət edirlər. Belə olan halda maliyyə vəziyyəti də sabit qalır. Kapitalınızın xeyli artacağı gözlənilir.

XƏRÇƏNGLƏRİN ailəsində əmin-amanlıqdır. İndi diqqətinizi ev-eşiyinizdə səliqə-sahman yaratmağa yönəltmisiniz. Münasibətlərinizdə ehtiras azalsa da, yerini dostluğa və mehriban münasibətə verib. Subaylar vəziyyətlərindən razıdırlar. Boyunlarına nikah kəndiri keçirməyə tələsmirlər. Bir küncə çəkilib, yaxşı-yaxşı düşünmək istəyirlər. Kim bilir, bu, bəlkə də tufanqabağı sakitlikdir. İşdə qaçhaqaçdır. Bir tərəfdən şef çoxdan arzuladığınız statusu təklif edəcək, digər tərəfdən məsuliyyətiniz artacaq. Bütün məsələlər sizdən diqqət tələb edəcək. Sanballı məvacib arzularınızı həyata keçirməyə imkan verəcək. Kefiniz nə istəyir? Mənzil, yoxsa maşın?

Ailəli ŞİRLƏR əbəs yerə narahatdırlar. Ailədə məhəbbət və hörmət varsa hər şey əladan əla olacaq. Sizi xırda mübahisələr narahat edir? Axı, belə mübahisələr daha çox konstruktiv diskussiyaya oxşayır. Lakin əgər qarşılıqlı məhəbbət yoxdursa, onda ən kiçik narazılıq evdə partlayış yarada bilər. Tənha xudbinlərin ürəyi bir anın içərisində çırpınmağa başlayacaq. Bu fürsəti əldən verməyin. Çünki qapınızı döyən əsl məhəbbətdir. İşdə karyera məqsədi güdmürsünüz, daha çox başqa işlərlə, məsələn, maliyyə məsələləri ilə məşğulsunuz. Bunu indi etməsəniz, gələcəkdə işləriniz dolaşığa düşə bilər, üstəlik, əmlakla bağlı mübahisələr yaranar. Əhəmiyyətsiz məsələ olsa da, qaçhaqaçda olacaqsınız.

Ailəli QIZLARIN evində praktiki məsələlər həmişə xırda münaqişələr yaradır. Ciddi heç nə yoxdur. Sadəcə "Hansı mebelə üstünlük verməli? Uşaqları hansı məktəbə qoymalı?" kimi məsələlərdə bir-birinizə üstün gəlməyə çalışırsınız. Eşidin-bilin. Bu "müharibədə" müdrik olan qalib gələcək. Tənha sayyahlar ehtirasın cənginə düşəcəklər. Bu hisslərin gələcəyinizə necə təsir göstərəcəyi özünüzdən asılıdır. İşdə nəfəsinizi dərməyə imkan yoxdur. Çətindir, amma qan-tər içində işləməyə dəyər. Rəhbərlik sizə heyrandır. Səyləriniz maddi imkanınızın yaxşılaşması ilə nəticələnəcəkdir.

TƏRƏZİLƏRİN ailəsində idilliya davam edir. Bu, həm məhəbbətə söykənən dostluq, həm də ümumi maraq, hətta eyni fikirlərdir. Subaylar ciddi hissləri yaxına buraxmırlar. Əvvəlcə özünüzdən baş çıxarmalısınız, həyatdan nə istədiyinizi başa düşməlisiniz. Bəziləriniz xoşbəxtliyin bolluğundan özünü itirib, bəziləriniz isə ürəyinə yatan bir adama rast gəlmək istəyir. Amma bir məsələ şəksizdir. İşinizə marağı tamamilə itirmisiniz. Diqqətli olun!!! Əsas məsələləri və tapşırıqları unutmamağa çalışın. Danlaq obyekti ola bilərsiniz. Doğrudur, müvəqqəti çətinlik büdcənizə elə bir təsir göstərməyəcək.

Ailəli ƏQRƏBLƏR hesab edirlər ki, daha yaxşı həyata layiqdirlər. Ömür-gün yoldaşınızdan tələb edirsiniz ki, yüksək vəzifəli adamlarla oturub-dursun, lakin bu, onun xoşuna gəlmir. Bəlkə də kübar əlaqələr münasibətlər qurmağı bacarmır. Həyatın coşqun sularında təkbaşına üzən məğrur subaylar nəhayət romantik bir macəra yaşayırlar. Qeyri-adi görüş sizə həqiqi məhəbbət bəxş edəcək. İşlərinizi hələ də sahmana sala bilməmisiniz. Ortaya ödənilməmiş hesablar çıxır, mühüm sənədlər itir. Belə olmaz. Fikrinizi cəmləşdirməlisiniz.

OXATANLARIN ailəsində əsl idilliyadır. Biriniz "qazır, o biriniz isə montaj edirsiniz". Nəyi isə müzakirə etməyə ehtiyac da qalmır. Bir-birinizi elə bir baxışdan başa düşürsünüz. Solo ifaçılar isə ətrafdakıları heyran qoymağa üstünlük verirlər. Bəli, siz həqiqətən də qeyri-adisiniz. Ürəyinizi ovlamağa çalışan namizədlərin sayı-hesabı yoxdur. Siz isə buz kimi soyuqsunuz və tənhalığa üstünlük verirsiniz. İşdə tufan qopur, zəlzələ baş verir, ildırım və şimşək çaxır. Sanki gözəgörünməz bir qüvvə hər şeyi məhv edir. Ruhdan düşməyin. Bu gözəgörünməz qüvvə hər şeyi yerlə-yeksan etdiyi kimi, qəflətən də ən yaxşı şəkildə bərpa edəcək. Sizi gözəl dəyişikliklər gözləyir. Özünüzə güvənin. Tale sizə qeyri-adi maddi imkanlar bəxş edəcək.

Ailəli OĞLAQLAR münasibətlərini uzun-uzadı aydınlaşdırmalı olacaqlar. Nəticə? Hər şey yalnız sizdən asılıdır. Ulduzlar sizə kart-blanş təklif edir. Ya bu sınaqlar sizin məhəbbətinizi daha da möhkəmləndirəcək, ya da vəziyyət əks istiqamətdə inkişaf edəcək. Tənha səyyahlar bu ay sevdikləri insana rast gələcəklər. Yeni proqramda həm ehtiras, həm dostluq, həm də qarşılıqlı anlayış var. Rəhbərlik sizin professional keyfiyyətlərinizi yüksək qiymətləndirir. Bu ay hətta özünüzü də üstələyirsiniz. Maliyyə durumunuz sabitdir, amma bədxərclik məsləhət deyildir.

İşinə aludə olan DOLÇALAR ömür-gün yoldaşları ilə münasibətləri korlaya bilərlər. Amma vəziyyəti qaydaya salmaq elə də çətin deyildir. Sadəcə, bir-birinizə sarılıb xoş sözlər deməlisiniz. Subaylar ümidlərini itiriblər. Tənha gecələrdə göz yaşı töküb keçmiş xoş günlərin xiffətini çəkirsiniz. İşdə dəyişikliklər gözlənilir. Göz qoyduğunuz vəzifəni başqasına etibar edəcəklər. Ruhdan düşməyin. Vaxt gələcək, həyat sizə bundan da gözəl fürsət bəxş edəcəkdir. Maliyyə durumunuz pis deyil, amma bədxərclik də məsləhət görülmür.

BALIQLARIN ailəsində qızğın diskussiyalar diplomatik sükutla əvəzlənib. Heç kəs güzəştə getmək istəmir. Belə vəziyyət hələ uzun müddət davam edəcək, amma unutmayın ki, belə toqquşmalarda qalib olmur, itirən isə hər iki tərəf olur. Subaylar qəti qərar gəliblər ki, daha sultan olmaq istəmirlər. Ona görə də layiqli namizədin axtarışına çıxıblar. Səyləriniz uğurla nəticələnəcəkdir. İşdə vəziyyət əladan əladır: karyera yüksəlişi, gözəl mövqe, yüksək məvacib, üstəlik, yeni bank hesabı. Daha nə istəyirsiniz?!

Milli.Az