GPS güllələr sınanır

2 Noyabr 2013 21:55

Kolorado, Arizona, Ayova və Florida ştatlarından olan polislər hazırda təcrübədə yerli StarChase şirkəti tərəfindən yaradılmış eyni adlı unikal güllələri sınaqdan keçirir. Onlar adi güllələrdən fərqli olaraq daxili GPS datçikləri ilə təchiz edilib.

Milli.Az ICTnews-a istinadən bildirir ki, daxili GPS datçikləri ilə təchiz edilmiş gülləni cinayətkarın avtomobilinə doğru atmaq kifayətdir. Bundan sonra onun mövqeyini naviqatorda izləmək mümkündür.

Yeni GPS güllələri təcrübədə özünü doğruldub, lakin onların kütləviləşməyinə yüksək qiymət mane ola bilər: bir güllənin qiyməti təxminən 500 dollardır. Bundan başqa, onları adi tapançalardan atəş açmaq olmaz: GPS-güllələr təxminən 5 min dollar dəyərində xüsusi qurğulara doldurulur.

Milli.Az