Azərbaycanda iki müğənni ailəsi toy çaldırdı - VİDEO - FOTO
30 Oktyabr 2013 12:33
Azərbaycanlı müğənninin toyu oldu
Milli.Az xəbər verir ki, ötən gün şou-biznesdə daha iki müğənni ailəsi qohum olub. Belə ki, Bakı restoranlarının birində müğənni Aysel İbrahimovanın müğənni Vüsal Hacıyevin qardaşı Evyazla toyları olub.
Bu barədə əməkdaşımıza açıqlama verən Vüsal bildirdi: "Ötən gün el adəti ilə qardaşımın Aysel xanımla toyu olub. Toyun aparıcısı müğənni Ayaz idi. Çox maraqlı keçən toy gecə saatlarınacan davam edib. Sağ olsun şou-biznesdəki dost-tanışlarımız, bizi tək buraxmayıblar, hamısı necə lazımdır, iştirak ediblər".
Verilən xəbərə görə, toyu bir çox müğənni ifası ilə şənləndirib. Bunlar arasında bəstəkar-müğənni Hacı Nazim, Ramal, Ayaz Qasımov, Sevda Yahyayeva, Hüsniyyə Mürvətova, əməkdar artist Eyyub Yaqubov və başqaları olub. Ceyhun Ələkbərov Milli.Az
