BMW M550d xDrive-a əl gəzdirdilər - FOTO

23 Oktyabr 2013 20:38

Amerika tünerlərinin əksəriyyətinin BMW M5 benzin versiyası üçün öz kökləmə proqramlarını hazırladıqları bir vaxtda Polşa şirkəti MM-Performance öz kökləmə paketini M550d xDrive-in ən güclü dizel modifikasiyasına ünvanlayıb. Əla xüsusiyyətlərə malik olan qənaətli biznes-klass sedan onun idman xasiyyətini vurğulamağa və eksteryerinin və interyerinin dizaynına fərdilik əlavə etməyə imkan vermiş bir sıra kosmetik yeniləmələr əldə edib.

Milli.Az 4charx.com-a istinadən bildirir ki, BMW M550d-ın qara kuzovuna bortlar boyu ağ zolaqlar çəkilib və radiatorun qara barmaqlığında BMW Motorsport üçrəngi peyda olub. Avtomobilin axarlılığı Vorsteiner emalatxanasının karbon lifindən hazırladığı aerodinamik asma hissələri (qabaq splitter, arxa diffuzor və yük yeri qapağının spoyleri) ilə yaxşılaşdırılıb. M Performance zavod paketindən yan ətəklər və arxa görünüşün güzgülərin karbon əlavələri götürülüb. Xarici yenilikləri 21 düymlük Vorsteiner VS-340 diskləri tamamlayır.

Salonda M Performance alkantara sükanı, karbon plankaları və həmin paketdən ötürmə qutusunun qulpu götürülüb, döşəməyə isə Vorsteiner alman tünerinin xalçaları döşənib.

Milli.Az

Böyütmək üçün şəkillərə klikləyin.