Avstraliyadakı "Toilet Paper Man" şirkəti dünyanın ən bahalı tualet kağızını satışa çıxarıb.
Milli.Az Daily Mail-ə istinadən bildirir ki, 22 karatlıq qızıldan hazırlanmış bu tualet kağızının bir rulonu 1,376 milyon dollardır.
Nyu-Yorkdakı dizaynerlər Tobi Venq və Ken Kortni isə pullu müştərilərin sifarişi ilə onların nəcislərinin bir qismini qızıl kapsula qoyur, sonra kapsulun içindəki "analiz"ə qızıl səpir.
2 sm uzunluğu olan belə "bəzək əşya"sına malik olmaq istəyən şəxs 425 dollar ödəməlidir.
"Dünyanın ən bahalı tualet kağızını hazırlamışıq. Ayaqyoluna pulla gedənlər, pullarını qoymağa yer tapmayanlar və ya nə qədər pullu olduğunu göstərmək istəyənlər üçün bu tualet kağızı məsləhətdir. Ayaqyolunu qızılla bəzəyən, qızıl unitaz quraşdıranlar da bizim potensial müştərilərimizdir.
İstehsal etdiyimiz tualet kağızı çox keyfiyyətlidir", - "Toilet Paper Man" şirkətinin açıqlamasında deyilir.
Hazırda dünyada ən bahalı ayaqyolu Honkonqdadır.
Zərgər Hanq Funqun villasındakı qızıl ayaqyolu ona 4,3 milyon dollara başa gəlib.
Milli.Az
