İki avtomobil toqquşub yandı: ölən və yaralı var

17 Sentyabr 2013 10:24

Sumqayıt şəhərində vətəndaşa məxsus "Niva" markalı minik avtomobilinin digər vətəndaşa məxsus "Subaru" markalı minik avtomobili ilə toqquşması nəticəsində yanğın hadisəsi baş verib.

Trend-in FHN-in rəsmi saytına istinadən verdiyi məlumata görə, nəticədə "Niva" markalı minik avtomobilinin sürücüsü müxtəlif bədən və yanıq xəsarətləri ilə Təcili Tibbi Yardım xidmətinə təhvil verilib.

Hadisədən sonra "Niva" markalı avtomobildə olan sərnişin, 1958-ci il təvvəllüdlü Novruzov Yaşar Novruz oğlunun meyiti aşkar olunub.

Yanğın saat 07:35-də yanğınsöndürənlər tərəfindən söndürülüb.

Milli.Az