Azərbaycanda iki qəza: 3 dost, bir sürücü yaralandılar
12 Sentyabr 2013 14:20
Milli.Az Kəpəz TV-yə istinadən xəbər verir ki, Daşkəsən və Göygöl rayonunda yol nəqliyyat hadisələri qeydə alınıb.
Göygöl-Gəncə istiqamətində hərəkət edən, rayon sakini, 31 yaşlı Rauf Teymurova məxsus "Tofaş" markalı avtomobillə həmyerlisi 23 yaşlı Tural Qurbanova məxsus "VAZ 2107" markalı avtomobil eyni vaxtda ötmə əməliyyatını yerinə yetirmək istəyərkən toqquşublar. Nəticədə hər iki avtomobil idarəetməni itirərək yol kənarına düşüb. "Tofaş"ın sürücüsü xəsarət alıb.
Daşkəsən rayonunda baş verən qəzada isə Gəncə şəhər Gülüstan qəsəbə sakinləri - 19 yaşlı Fəxri Məmmədov, 21 yaşlı Yusif Məmmədov və həmyaşıdı Araz Həsənov dostları, 24 yaşlı Vüsal Qurbanovun idarə etdiyi "VAZ 21011" markalı avtomobilin aşması nəticəsində xəsarət alıblar. Qəzaya nasaz avtomobilin faralarının işləməməsi səbəb olub. Xəsarət alanlar Gəncə Şəhər Təcili Tibbi Yardım Xəstəxanasına yerləşdirilib, vəziyyətləri orta-ağırdır.
Milli.Az