Maral məktəbi viran qoydu

10 Sentyabr 2013 13:15

Oslo şəhərinin cənub-şərqindəki məktəbdə qeyri-adi hadisə baş verib. Milli.Az Rusiya mətbuatına istinadən xəbər verir ki, maral öz balaları ilə məktəbə girərək oranı dağıdıb.

Mühafizəçilər həmin dağıntını kimin törətdiyini birinci anlamayıblar. Sonra müşahidə kameralarının görüntülərinə baxanda bu işlərin insan yox, maral və balaları tərəfindən törədildiyi məlum olub.

Məktəbin direktorunun ehtimalına görə, marallar məktəbin şüşələrində öz əkslərini görüblər və bu onları qorxudub. Onları qorxudan "heyvan"a hücum edərkən məktəbin şüşələrini qırıblar.

Qeyd edək ki, Norveç marallarının boyu 2 metrə qədərdir. Çəkiləri isə 400 kq-a yaxındır.

Milli.Az