Moskvada pilotlar yüzlərlə sərnişini xilas etdilər

11 Avqust 2013 13:43

Naməlum şəxslər Şeremetyevo-da eniş edən "Aeroflot"un üç təyyarəsinin pilotlarını lazer şüası ilə kor etməyə çalışıblar.

Milli.Az Day.Az-a istinadən bildirir ki, bu barədə "Vesti" məlumat yayıb. Hadisələr dalbadal baş verib, hamısı da beynəlxalq reysləri hədəfləyib.

"Öncə Nitsadan dönən A-321 təyyarəsinin bəxti gətirməyib. Sonra isə Stokholmdan uçan A-319 təyyarəsini lazer "bombardmanı"na tutublar", - aeroportun aviadispetçer xidmətindən bildirilib. 20 dəqiqə intervallı iki hadisədən sonra İspaniyadan dönən reysin pilotları da eyni işgəncəyə məruz qalıblar.

Hər üç reysin pilotları lazerin yerləşdiyi yeri təxminən eyni cür təsvir ediblər - Şeremetyevo aeroportundan 60 km qərbdə, Nikolskoe kəndi ərazisi.

İnterfax bildirir ki, pilotlar təyyarələri sağ-salamat endirə biliblər, ekipaj və sərnişinlərdən xəsarət alan yoxdur.

Milli.Az