Google eynəklərini Motorola buraxacaq

6 Avqust 2013 23:53

2012-ci ildə Google şirkəti tərəfindən satın alınan Motorola korporasiyası təkcə birgə telefon istehsalı ilə deyil, həm də Google Glass əlavə reallıq eynəklərinin buraxılışı ilə məşğul ola bilər. Bu barədə Motorolanın rəhbəri Dennis Vudsayd Wall Street Journal jurnalına müsahibədə bildirib.

Milli.Az ICTnews-a istinadən bildirir ki, yeni eynək modifikasiyaları Motorola şirkətinin bazasında istehsal oluna bilər, lakin texnoloji prosesin nə qədər bütöv olacağı hələ ki məlum deyil. Bir müddət əvvəl - iyulun 22-də Google-un Google Glass eynəkləri üçün displeylər buraxan Himax şirkətində paya sahib çıxması məlum olub. Yeni məlumatda isə bütün komplekt hissələrinin başlanğıc istehsalından söhbət getmir.

Milli.Az