Polis ermənilərin aksiyasını dağıtdı - FOTO

2 Avqust 2013 18:09

Hadisə zamanı etirazçı qadınlardan biri huşunu itirərək yıxılıb

Ermənistan polisi İrəvan meriyasının qarşısında keçirilən oturaq aksiyaya sərt müdaxilə edib. Ermənistan mətbuatının yaydığı xəbərə görə, meriyanın qarşısında çadır qurmaq istəyən aksiyaçıların çadırları polis tərəfindən müsadirə olunub, bəzi aksiyaçılar isə saxlanılaraq bölməyə aparılıb.

Anspress-in məlumatına görə, baş vermiş qalmaqal zamanı etirazçı qadınlardan biri polisin müdaxiləsi nəticəsində huşunu itirərək yıxılıb.

İrəvan polis idarəsinin rəis müavini Valeri Osipyan isə qaydaları pozanların saxlanılaraq nəzarətə götürülməsinin davam edəcəyini deyib.

Xatırladaq ki, artıq 1 həftəyə yaxındır ölkədə ictimai nəqliyyatın bahalaşmasına etiraz olaraq İrəvan meriyasının qarşısında oturaq aksiya keçirilir.

Milli.Az


Böyütmək üçün şəkillərə klikləyin.