Onu sevməyən varmı?

2 Avqust 2013 13:59

Azərbaycanın xalq artistinin doğum günüdür

Milli.Az bildirir ki, bu gün tanınmış aktyor Fəxrəddin Manafovun ad günüdür. O, 2 avqust 1955-ci ildə Xankəndidə anadan olub.1975-1980-ci illərdə M.Əliyev adına Azərbaycan Dövlət İncəsənət İnstitutunda təhsil alıb.

1971-1974-cü illərdə A.M.Şərifzadə adına Aktyor evində kinomexanik, 1976-1978-ci illərdə Tədris teatrında aktyor kimi fəaliyyət göstərib.

1989-1993-cü illərdə "Yuğ" Dövlət teatrında aktyor işləyib. 1978-ci ildən bu günədək Cəfər Cabbarlı adına "Azərbaycanfilm" kinostudiyasında aktyor kimi filmlərə çəkilir.

1987-ci ildə Azərbaycanın əməkdar artisti, 2000-ci ildə isə xalq artisti fəxri adlarına layiq görülub.

Milli.Az kollektivi görkəmli aktyorumuzun ad gününü təbrik edir, ona uzun ömür, can sağlığı, yeni sənət nailiyyətləri arzulayır!

Milli.Az