Milli.Az xəbər verir ki, istirahət bilmədən çalışıb, hər həftə tamaşaçıları "Rəngarəng" verilişini izləməyə sövq edən "AZ" komandası yenə də fərqli proqramla görüşünüzə gələcək.Bu dəfə İlqarə danışacaq...
Avqustun 2-si saat 21:00-da Lider TV-də yayımlanacaq buraxılışda xalq artisti Aygün Kazımovanın yay konsertində baş verən hadisələr çözələnəcək.
Ən maraqlısı ondadır ki, mediadan maksimum uzaq gəzib-dolaşan ulduz qızı İlqarə İbrahimova bu dəfə öz istəyi ilə "Rəngarəng"in mikrofonuna etiraflar edib.
Rejissoru Aynurə Səmədova, aparıcısı Zaur Nəbioğlu olan verilişdə İlqarə soyadını nə üçün dəyişdiyindən danışacaq...
O nə səbəbdən belə addım atıb? Bilmədiyimiz hansı gerçəklər onu soyadını dəyişməyə vadar edib?
Bu və digər suallarına cavab tapmaq istəyənlər bu axşam Lider TV-nin efirini mütləq izləməyə çalışsınlar.
Onu da qeyd edək ki, "Aygünlü gecə" aşıq Əlinin qonaq olduğu "Rəngarəng"də xüsusi reportaj kimi yayımlanacaq.
Verilişin informasiya dəstəyi Milli.Az-a məxsusdur.
Şahin Cavadsoy
Milli.Az