Milli.Az The Daily Mail-ə istinadən bildirir ki, səssiz kinonun ulduzu, vaxtilə dünyaca məşhur aktrisa olmuş Kolin Mura məxsus bu oyuncaq qəsrin qiyməti 7 milyon dollardır.
Qəsrdəki hər əşya reallıqdakı prototipinin tam təkrarıdır. Bundan başqa, qəsrin zal və otaqlarındakı bəzi çilçıraqlar almaz, brilyant və yaqut qaşlardan ibarətdir.
1934-cü ildə çəkilmiş "The Scarlet Letter" filminin ulduzu bu qəsri sifariş verəndə ustalara "xəyallarımın məkanını, dünyanın ən gözəl qəsrini hazırlayın" demişdi.
"Kasta pərisinin qəsri" adlanan bu oyuncaq evin hazırlanmasına 1928-ci ildə başlanmışdı. 1935-ci ildə başa çatmış "tikinti"də 100-ə yaxın rəssam və dizayner çalışmışdı.
ABŞ-da "Böyük depressiya" da 1935-ci ildə başa çatdı və aktrisa Mur fenomenal qəsrini ölkədə gəzdirərək sərgilər təşkil etdi, əldə edilən pulları da xeyriyyə təşkilatlarının hesablarına keçirdi.
1949-cu ildə isə amerikalı aktrisa Kolin Mur bu nağıl qəsri Çikaqo Muzeyinə təhvil verdi.
Milli.Az
Böyütmək üçün şəkillərə klikləyin.
