Lenovo yeni smartfonu göstərdi

26 İyul 2013 22:54

Lenovo şirkəti yeni smartfon modelini hazırlayıb. Bu yenilikdə ilk dəfə Çin istehsalçısı sözügedən aparatda Snapdragon 800 adlı məhsuldar prosessor tətbiq edib. Qurğu bazara K6 və ya X910 adı altında çıxarılacaq.

Milli.Az ICTnews-a istinadən bildirir ki, aparat Adreno 330 qrafik həlli ilə təchiz edilmiş MSM8974 çipinə və 1920x1080 nöqtə təsvir ölçülü Full HD ekrana malikdir. Ekranın ölçüsü və qurğunun başqa texniki xüsusiyyətləri hələlik açıqlanmır. Yalnız məlumdur ki, o, iki SİM-kartla işin imkanını dəstəkləyir.

Lenovo şirkətinin yeni smartfonunun təxmini qiyməti və çıxarılma tarixi hələ ki bildirilmir.

Milli.Az