24.07.2013
01:44
Futbol üzrə UEFA Çempionlar Liqasında ikinci təsnifat mərhələsinin cavab oyunları keçirilib. Azerisport.az xəbər verir ki, Azərbaycan çempionu "Neftçi" də bu turnirdəki növbəti matçına çıxıb.
Komandamız ilk cəhdində Albaniya çempionu "Skenderbeu"nu mübarizədən kənarlaşdırmalıydı. Hansı ki, "Neftçi" kimi, bu komanda da son üç mövsümdə ardıcıl olaraq ölkə çempionu adını qazanırdı. Növbəti mərhələyə adlamaq yolunda hər şeyə elə ilk oyunda - Bakıda aydınlıq gətirməli olan
Böyükağa Hacıyevin komandası həmin görüşdə ümidləri qətiyyən doğrultmadı. Bu üzdən işini çətinləşdirən təmsilçimiz növbəti mərhələyə vəsiqənin taleyinə rəqib meydanında keçirilən cavab matçında aydınlıq gətirmək məcburiyyətində qalımışdı.
Bu dəfə də 90 dəqiqə ərzində qapılara qol vurulmayıb. Əlavə vaxtda isə "Skenderbeu"nun vurduğu yeganə qol Albaniya çempionuna növbəti mərhələyə vəsiqə qazandırıb.
Qeyd edək ki, bu komandalar arasında Bakıda keçirilmiş ilk görüşdə hesab açılmamışdı - 0:0.
Çempionlar Liqasıİkinci təsnifat mərhələsi (cavab oyunu)
23 iyul
Skenderbeu - Neftçi - 1:0 (0:0)Qol: N.Orelesi, 116 (1:0)
Baş hakim: Pavel Gil (Polşa)
Korçe. "Skenderbeu" stadionu.
İlk oyun - 0:0.
Matç öncəsi Ağdamın işğalının 20-ci ildönümü ilə əlaqədar stadionda 1 dəqiqəlik sükut elan olunur
Oyun başladı. Komandamıza uğurlar arzulayırıq!
UEFA-nın qadağasına baxmayaraq, "Skenderbeu" stadionunda təxminən 10 minə yaxın azarkeş var
3. Meydan sahibləri ilk dəqiqələrdən oyuna nəzarət edirlər
8. C.İmamverdiyev simulyasiyaya görə sarı vərəqə alır
10. Komandamız artıq təşəbbüsü ələ alıb və topu özündə saxlamağa çalışır
13. Oyunda ilk korneri meydan sahibləri yerinə yetirirlər: Qapı qarşısında təhlükəli vəziyyət yaransa da, futbolçulıarımız topu uzaqlaşdıra bilirlər
15. Albanların təhlükəli əks-hücumu növbəti kornerlə yekunlaşır: bu dəfə künc zərbəsi zamanı meydan sahibləri qaydanı pozurlar
16. "Skenderbeu"nun növbəti korner vuruşu uğursuz alınır
19. Komandamız oyunda ilk dəfə korner qazansa da, bundan yaxşı yararlana bilmir
25. "Neftçi" oyuna nəzarət etsə də, rəqib qapısı qarşısında təhlükəli vəziyyət yarada bilmir
26. D.Silvanın uzaqdan zərbəsi qapıdan aralı keçir
30. "Skenderbeu" Bakıdakı oyunda olduğu kimi, yenə də müdafiədən oynayır və yalnız komandamız səhvə yol verən zaman əks-hücumlar qurur
33. Arapi Vobaya qarşı kobudluğa görə sarı vərəqə ilə cəzalanır
36. "Neftçi"də erkən əvəzləmə: K.Kardosonu R.Sadiqov əvəzləyir. Görünür yeni transfer olunan futbolçunun bu görüşdəki çıxışı məşqçilər korpusunu razı salmadı
36. Bu əvəzetmə həm də taktiki məqsəd daşıya bilər
37. Komandamızın təhlükəli hücumu zamanı Vobayın zərbəsi müdafiəçidən qayıdır
40. Oyuna tam olaraq "Neftçi" nəzarət edir
40. Vobayın uzaqdan zərbəsini qapıçı çətinliklə kornerə çıxarır
41. Korner vuruşu futbolçularımız tərəfindən uğurlu yerinə yetirilmir. Epizodun davamında qapı qarşısına ötürülən topu Platye əlverişli mövqedən tora qovuşdura bilmir
43. C.İmamverdiyevin uzaqdan zərbəsi çox pis alınır
45. Flavinyo əla keçidlə cərimə meydançasına daxil olsa da, zərbə vurmasına müdafiəçi imkan vermir
Birinci hissə başa çatdı
İkinci hissə başladı
48. "Neftçi" yüz faizli qol epizodunu boşa verdi! Vobay çox əla reyd edərək qapı qarşısına əla ötürmə etsə də, Cavid topu tora göndərə bilmir!
52. İ.Mitreski də sarı vərəqə alır
53. Orelesinin zərbəsi qapıdan aralı keçir
57. Rəqibin heyətində J.Sefanı L.Abazi əvəzləyir
58. "Neftçi" cərimə zərbəsi qazanır. Bertuççinin zərbəsi çox uğursuz alınır
61. Abaziyə sarı vərəqə göstərilir
63. "Neftçi" daha bir təhlükəli hücum qursa da, yenə qol vurmaq mümkün olmur
70. Komandamız daha bir korneri boşa verir
72. İmamverdiyevi A.Abdullayev əvəzləyir
74. Daha bir əla hücum təşkil olunsa da, Flavinyonun həlledici zərbəsi qapının üstündən keçir
76. "Neftçi" korner qazansa da, Flavinyonun baş zərbəsi qapıdan yan keçir
76. Flavinyo elə bu epizodda zədələnir. Amma ümid edək ki, futbolçumuzun durumu oyunu davam etdirməyə imkan verəcək
77. "Skenderbeu"da G.Likanı M.Morina əvəzləyir
78. Flavinyonun durumu qorxulu deyil və o, oyunu davam etdirir
81. Bertuççinin zərbəsi qapının üstündən keçir
82. Lilayı Tomiç əvəzləyir. "Skenderbeu" dəyişiklik limitini doldurdu
87. "Skenderbeu"nun təhlükəli hücumu zamanı Stamenkoviç topu kornerə çıxarır
88. Korner vuruşu zamanı rəqib futbolçunun zərbəsi dəqiq olmur
90. Matçın əsas vaxtına 3 dəqiqə əlavə olunur
90+2. Mitreski cərimə meydançasına daxil olmaq istəyən rəqibdən top almaq istəsə də, hakim onu sonuncu ümid foluna görə meydandan qovur
90+4. Şkembinin cərimə zərbəsini Stamenkoviç qaytarır. Abazinin təkrar zərbəsi isə qapının üstündən keçir
Matçın əsas vaxtı başa çatdı. Cütün taleyinə əlavə vaxtda aydınlıq gələcək
91. Əlavə vaxta "Neftçi" əvəzetməylə başlayır. Platyeni E.Yunuszadə əvəzləyir
93. "Skenderbeu"nun çox təhlükəli hücumu zamanı komandamızın bəxti gətirir
95. E.Yunuszadə oyuna o qədər də yaxşı qoşulmayıb. Az əvvəl rəqibin təhlükəli vəziyyət yaratmasına şərait yaradan futbolçu indi də sarı vərəqə almaqla diqqət mərkəzinə düşür
96. "Skenderbeu"nun daha bir təhlükəli hücumu zamanı Stamenkoviç komandasını qoldan xilas edir. Epizodun davamında isə qapı tiri "Neftçi"nin dadına çatır
98. R.Sadiqov az qala avtoqola imza atacaqdı. Yenə də hər şey komandamız üçün yaxşı qurtarır
101. M.Şükürovun zərbəsi qapıdan aralı keçir
102. Morinanın təhlükəli zərbəsi qapıdan yan keçir
103. D.Silvanın çox kobud səhvindən sonra Tomiç az qala hesabı açacaqdı. Yaxşı ki, onun zərbəsi hədəfə düşmür
Əlavə vaxtın ilk hissəsi başa çatdı
"Neftçi" üçün son 15 dəqiqəyə start verildi
107. Top rəqib futbolçudan meydanı tərk etsə də, hakim "Neftçi"nin qapısına korner təyin edir. Buna etiraz edən E.Ramos haqsız yerə sarı vərəqə alır
108. Albanların korner vuruşu uğursuz olur
108. Rəqibin təhlükəli hücumu zamanı yenə futbolçularımız qola imkan vermirlər
112. Orelesinin çox təhlükəli zərbəsi kornerlə nəticələnir. Künc zərbəsi isə bəhrəsiz qalır
116. Orelesinin qüvvətli zərbəsi müdafiəçimizə toxunaraq qolla nəticələnir - 1:0
117. Peyiç sarı vərəqə alr
119. "Neftçi" kornerdən yaxşı yararlana bilmir
Matç başa çatdı
SKENDERBEU: 1. Orges Şehi, 3. Renato Arapi, 20. Ademir Souza, 33. Marko Radaş, 78. İvan Qvozdenoviç, 8. Nurudin Orelesi, 17. Gilman Lika, 31. Jetmir Sefa, 88. Sabyen Lilay, 10. Bledi Şkembi (k), 22. Pero Peyiç.
Ehtiyat oyunçular: 12. Eryon Lapanyi, 4. Endrit Vrapi, 14. Leonit Abazi, 19. Bakari Nimaqa, 23. Jeliko Tomiç, 7. Erbim Faqu, 9. Mario Morina.
NEFTÇİ: 30. Saşa Stamenkoviç, 2. Karlos Kardoso, 3. Denis Silva, 5. İqor Mitreski, 16. Bruno Bertuççi, 22. Mahir Şükürov (k), 9. Flavinyo, 10. Julius Vobay, 15. Erik Ramos, 25. Cavid İmamverdiyev, 11. Melvin Platye.
Ehtiyat oyunçular: 1. Pavel Doroşev, 4. Tərlan Quliyev, 32. Elvin Yunuszadə, 6. Rəşad Sadiqov, 7. Araz Abdullayev, 19. Mirhüseyn Seyidov, 14. Bahodir Nasimov.
----------------
23.07.2013
23:00
Bu gün futbol üzrə UEFA Çempionlar Liqasında ikinci təsnifat mərhələsinin cavab oyunları keçirilir. Azerisport.az xəbər verir ki, Azərbaycan çempionu "Neftçi" də bu turnirdəki növbəti matçına çıxır.
Komandamız ilk cəhdində Albaniya çempionu "Skenderbeu"nu mübarizədən kənarlaşdırmalıdı. Hansı ki, "Neftçi" kimi, bu komanda da son üç mövsümdə ardıcıl olaraq ölkə çempionu adını qazanıb. Növbəti mərhələyə adlamaq yolunda hər şeyə elə ilk oyunda - Bakıda aydınlıq gətirməli olan
Böyükağa Hacıyevin komandası həmin görüşdə ümidləri qətiyyən doğrultmadı. İşini çətinləşdirən təmsilçimiz növbəti mərhələyə vəsiqənin taleyinə rəqib meydanında keçirilən cavab matçında aydınlıq gətirmək məcburiyyətində qalıb.
Qeyd edək ki, bu komandalar arasında Bakıda keçirilmiş ilk görüşdə hesab açılmamışdı - 0:0.
Çempionlar Liqasıİkinci təsnifat mərhələsi (cavab oyunu)
23 iyul
Skenderbeu - Neftçi - 0:0 (1-ci hissə)Baş hakim: Pavel Gil (Polşa)
Korçe. "Skenderbeu" stadionu.
İlk oyun - 0:0.
Oyun başladı. Komandamıza uğurlar arzulayırıq!
SKENDERBEU: 1. Orges Şehi, 3. Renato Arapi, 20. Ademir Souza, 33. Marko Radaş, 78. İvan Qvozdenoviç, 8. Nurudin Orelesi, 17. Gilman Lika, 31. Jetmir Sefa, 88. Sabyen Lilay, 10. Bledi Şkembi (k), 22. Pero Peyiç.
Ehtiyat oyunçular: 12. Eryon Lapanyi, 4. Endrit Vrapi, 14. Leonit Abazi, 19. Bakari Nimaqa, 23. Jeliko Tomiç, 7. Erbim Faqu, 9. Mario Morina.
NEFTÇİ: 30. Saşa Stamenkoviç, 2. Karlos Kardoso, 3. Denis Silva, 5. İqor Mitreski, 16. Bruno Bertuççi, 22. Mahir Şükürov (k), 9. Flavinyo, 10. Julius Vobay, 15. Erik Ramos, 25. Cavid İmamverdiyev, 11. Melvin Platye.
Ehtiyat oyunçular: 1. Pavel Doroşev, 4. Tərlan Quliyev, 32. Elvin Yunuszadə, 6. Rəşad Sadiqov, 7. Araz Abdullayev, 19. Mirhüseyn Seyidov, 14. Bahodir Nasimov.
---------
20:26Çempionlar Liqasının 3-cü təsnifat mərhələsində Bakının "Neftçi" klubunun potensial rəqibi bilindi.
Milli.Az Soccerway-ə istinadən bildirir ki, Qazaxıstanın "Şaxtyor" klubu öz meydanında Belarusun BATE klubuna qarşı keçirdiyi cavab matçında 1:0 hesabla qalib gəlib və "Neftçi"nin potensial rəqibi olub.
İlk matçda da "Şaxtyor" belaruslara 1:0 hesabı ilə qalib gəlib.
---------
09:26Bu gün futbol üzrə UEFA Çempionlar Liqasında ikinci təsnifat mərhələsinin cavab oyunları keçirilir. Azerisport.az xəbər verir ki, Azərbaycan çempionu "Neftçi" də bu turnirdəki növbəti matçına çıxır.
Komandamız ilk cəhdində Albaniya çempionu "Skenderbeu"nu mübarizədən kənarlaşdırmalı idi.
Hansı ki, "Neftçi" kimi, bu komanda da son üç mövsümdə ardıcıl olaraq ölkə çempionu adını qazanıb. Növbəti mərhələyə adlamaq yolunda hər şeyə elə ilk oyunda - Bakıda aydınlıq gətirməli olan Böyükağa Hacıyevin komandası həmin görüşdə ümidləri qətiyyən doğrultmadı. İşini çətinləşdirən təmsilçimiz növbəti mərhələyə vəsiqənin taleyinə rəqib meydanında keçirilən cavab matçında aydınlıq gətirmək məcburiyyətində qalıb.
Qeyd edək ki, bu komandalar arasında Bakıda keçirilmiş ilk görüşdə hesab açılmamışdı - 0:0.
Korçe. "Skenderbeu" stadionu.
İlk oyun - 0:0.
Milli.Az