Akif Muradverdiyev niyə saxlanılıb?

21 İyun 2013 13:24

Akif Muradverdiyev çar Rusiyası dövrünə aid xeyli sayda pul sikkəsini qanunsuz olaraq sərhəddən keçirməyə cəhd edərkən saxlanılıb. Bu barədə cümə günü Trend-ə Azərbaycanın hüquq-mühafizə orqanlarındakı mənbə bildirib.

Mənbə bildirib ki, Muradverdiyev Milli Təhlükəsizlik Nazirliyinin əməkdaşları tərəfindən iyunun 20-də səhər saatlarında Heydər Əliyev Beynəlxalq Hava Limanında Rusiyaya uçarkən saxlanılıb.

Hüquq-mühafizə orqanları tərəfindən mövcud fakt üzrə araşdırmalara başlanılıb.

Milli.Az