Vladimir Putin Tahir Salahova Dövlət mükafatını təqdim etdi

12 İyun 2013 15:17

Bu barədə Trend çərşənbə günü "Rossiya 24" telekanalına istinadən məlumat verir.

Bu il 10 görkəmli alim və konstruktor, həmçinin 4 mədəniyyət xadimi əsas Dövlət mükafatına layiq görülüb. Təqdimat mərasimi ənənəvi olaraq Rusiya Günündə Böyük Kreml sarayının Georgiyev zalında baş tutub.

Putin qeyd edib ki, Rusiyanın xalq rəssamı Tahir Salahovun yaradıcılığı gələcək nəsillər üçün əhəmiyyət kəsb edəcək: "Onun əsərləri ölkəmizin bəzi dövlərini əks etdirir. Rəssamlar hadisələr, insanlar və yaşadıqları barədə başa düşülən dildə danışırlar".

RF-nin dövlət mükafatı cəmiyyət və dövlət qarşısında elm və mədəniyyət xadimlərinin fəaliyyətinin ən yüksək səviyyədə tanınmasıdır. Mükafatlar Rusiya vətəndaşlarına təqdim edilir.

Milli.Az