Günəş enerjisi ilə işləyən scooter

20 May 2013 17:35

Amerikalı iki ixtiraçı günəş enerjisi ilə işləyə bilən elektrikli scooter hazırladılar. Mike Donnell və Tony Van Meeteren 4 il üzərində çalışdıqları bu texnikaya SES (Solar Electric Scooter) adını veriblər. 3.7 saniyə ərzində 24 km sürətə malik olan scooter 3 fərqli enerji yığmaq üsuluna malikdir. Bu scooter haqqında daha ətraflı bilmək üçün bizə mütləq baxın..

Stadionlar. Burada futboldan tutmuş amerikan futboluna kimi, tennisdən beyzbola kimi müxtəlif maçlar oynanılır. Bəs görəsən, hansı stadionun insan tutumu daha böyükdür? Bütün bunlar isə Reytinq rubrikasında olacaq.

Mega rubrikası isə daha çox balacaları maraqlandıracaq. Onlar hər dəfə oynadıqları "Leqo" oyunacaqlarının harada, necə yaradılmasından xəbərdar olacaqlar.

Oyun həvəskarlarını isə əsl triller Dues Ex Human Revolution Director`s Cut oyunu gözləyir.

Bütün bunlar 22 may, həftənin çərşənbə günü saat 22:00-da, təkrarı isə bazar günü səhər saat 10-da Zaur Əliyevin təqdimatında ATV kanalının "Texno Park" verilişində.

Verilişin informasiya dəstəyi Milli.az saytıdır.