Firefox 21-i sınadınız?

15 May 2013 19:05
Tərtibatçılar bildiriblər ki, brauzerin yeni versiyasında populyar sosial şəbəkə və foto və videoların mübadiləsi üçün xidmətlərin dəstəklənməsi təkmilləşdirilib. Şirkətdən verilmiş məlumata əsasən, Firefox 21 brauzerinin masaüstü versiyasında Social API funksiyasının imkanları genişləndirilib.

Milli.Az ICTnews-a istinadən bildirir ki, Social API vasitəsilə sosial şəbəkə, çat və hostinqlərin müxtəlif funksiyalarını birbaşa brauzerə inteqrasiya etmək olar və istifadəçilər müvafiq resurslara daxil olmadan və kənar plaqinlərdən istifadə etmədən hesablarında nə baş verdiyini görə bilərlər.

Brauzerin Android versiyasına gəldikdə isə şriftlərlə iş dəyişikliyindən başqa, interfeysdə bir sıra yeniliklər edilib, CSS ilə iş təkmilləşdirilib.

Milli.Az