Elastik ekranlı smartfonlar satılacaq

26 Aprel 2013 20:15
Dünyanın ən böyük mobil telefon istehsalçısı Samsung şirkəti sözügedən cihazı 1 il əvvəl istehsal etmək niyyətində olub.

Milli.Az ICTnews-a istinadən bildirir ki, LG Electronics şirkəti elastik ekranla təchiz edilmiş smartfonun çıxarılma tarixini açıqlayıb. Şirkət sözügedən qurğunu 2013-cü ilin dördüncü rübündə təqdim etməyi planlaşdırır.

Displey OLED texnologiyası üzrə hazırlanacaq. LG şirkəti aparıcı mobil qurğu istehsalçılarından biridir. IDC analitik şirkətinin məlumatına əsasən, adıçəkilən şirkət 2012-ci ilin dördüncü rübündə ilk beşlikdə yer ala bilməyib. Accenture konsaltinq şirkətinin analitiklərinin fikrincə, elastik mobil telefonlar gələcəyin trendlərindən biridir.

Milli.Az